Riddu riđđu feastivála oktavuođas lea olbmuin vejolaš lávket rabas lávddi ala, ja čájehit maid máhttá.
Riddu riđđu feastivála oktavuođas lea olbmuin vejolaš lávket rabas lávddi ala, ja čájehit maid máhttá.
Feastivála heiveheaddji Áshild Birkeland muitala olbmot sáhttet lávlut, čuojahit čuojanasain, juoigat dahje lohká divtta.
Juohkelágán surggiide rabas
– Sáhttá buot šáŋŋeriid ovdanbuktit, ja dat dáhpáhuvvo bearjadaga unnalávddážis, lohká Birkeland.
Lágideddjiin lei áigemearri dieđihit rabas lávdái mielde, muhto sii eai leat ožžon vel nu ollu dieđihemiid. Danne leat sii mearridan ahte oaččo boahtit ja das searvat dáhpáhussii.
Sis lea ovdal leamaš rabas lávdi máŋga jagi áigi, ja leat dál fas leat mearridan doallat dan.
Nuorat maid čájehit čehpodaga
Riddu Riđđus lea maid nuoraidkonsearta, gos nuorat geat vuohččan deaivvadit ja ráhkadit čájálmasa maid ovdanbuktet.
Sii ráhkadit ieža buot čájálmassii ja ovdanbuktet dan lávvordaga.
Riddu Riđđu feastivála álgá ihttin 13. beaivvi suoidnemanus ja bistá 17. beaivvi rádjái.
