– Bargoaddit geat bohtet leat bargiid ozus, ja dat buoremus mii sáhttá dáhpáhuvvat lea ahte muhtin gávdná barggu dan dihte go finai meassus, muitala okta meassuid lágideddjiin Toril Evjen.
– Bargoaddit geat bohtet leat bargiid ozus, ja dat buoremus mii sáhttá dáhpáhuvvat lea ahte muhtin gávdná barggu dan dihte go finai meassus, muitala okta meassuid lágideddjiin Toril Evjen.
– Váldde mielde iežat CV ja fála iežat bargoaddiide, ávžžuheaba Randi V. Østgaard ja Toril Evjen NAV Álttás.
Duorastaga cuoŋománu 14.beaivvi lea bargomeassu Álttás. Ollu bargoaddit sihke priváhta ja almmolaš surggiin bohtet ohcat ođđa bargiid, muitala Álttá NAV jođiheaddji Østgaard.
Stuora dárbu bargiide
– Finnmárkkus lea stuora dárbu bargiide, ja bargomeassus áigut čájehit ollu rabas virggiid mat leat min fylkkas. Bargoohcciide sáhttá leat buorre jurdda váldit mielde máŋga CV báhpira, ja vel rabas bargoohcama.
– Meassut eai leat dušše sidjiide geat orrot Álttás, muhto olbmot eará suohkaniin leat maid bures boahtimat deike, lohká bagadeaddji Toril Evjen.
Ášši joatká gova vuolde:
Háliidit ovttasbargat bargoaddiiguin
Ovdal meassut álget, de bovde NAV bargoaddiid boahtit ja oahppat eanet movt NAV sáhttá veahkkin gávdnat bargiid.
– Iđđesbeaivvi álggahit čoahkkima bargoaddiiguin, gos mii humadit rekrutterenovttasbarggu NAVain. Dan maŋŋel rahpat uvssaid diibmu 12.00, muitala Østgaard preassadieđáhusas.
