Sámiráđđi doallá čoahkkima otnážis sotnabeaivái Suoločielggis Suoma bealde Sámi. Ihttin ge ráđđi bovde rabas miniseminárii gos earret eará galget digaštallet Suoma jođihangotti Árktalaš ráđis 2017–2019.
Sámiráđđi doallá čoahkkima otnážis sotnabeaivái Suoločielggis Suoma bealde Sámi. Ihttin ge ráđđi bovde rabas miniseminárii gos earret eará galget digaštallet Suoma jođihangotti Árktalaš ráđis 2017–2019.
Dán bearjadagas sotnabeaivái Sámiráđđi čoahkkana Suoločielgái Suoma bealde Sámi, čállá Yle Sápmi. Odne ráđđi álgá iežas čoahkkima gos áššelisttus leat čuovvovaš áššit:
– Doaibmaplána ja bušeahtta.
– NSR ođđa ráđelahtu válljen.
– Áŋgiruššansuorggit Suoma ságadoalliáigodagas Árktalaš Ráđis.
– Árktalaš áššit Árktalaš Ráđi olggobealde.
– Sámi Duodji -mearkaprošeakta.
– Digaštallanášši Mátkeealáhus dahje turisma Sámis.
Lávvordaga ges Sámiráđđi bovde rabas miniseminárii diibmu 13.00 Suoma áigge Santa’s Hotel Tunturii mii lea Suoločielggis.
– Semináras lea áigumuš digaštallat Suoma jođihangotti Árktalaš ráđis 2017–2019. Suoma Árktalaš ambassadevra Aleksi Härkönen searvá dán seminárii muitalit man muddui Suopma lea joavdan ráhkkaneamidisguin ja gullat sámi servodaga jurdagiid Árktalaš áššiin, muitala Sámiráđi árktalaš ja birasossodaga jođiheaddji Gunn-Britt Retter Yle Sápmái.
Seminára oassálastit besset gažadit Suoma Árktalaš ambassadevrra.
