Hanne-Lena Wilks Snåases eret šaddá vuosttaš áirras Trøndelága fylkkagieldda sámi ráđis, son ovddasta Sámiid Duodji riikkaorganisašuvnna.
Hanne-Lena Wilks Snåases eret šaddá vuosttaš áirras Trøndelága fylkkagieldda sámi ráđis, son ovddasta Sámiid Duodji riikkaorganisašuvnna.
– Fylkkagielda čájeha dainna ahte áigot váldit stuorát ovddasvástadusa iežaset sámi álbmogii, sihke lullisámi gillii, kulturdoibmii ja boazodollui. Duedtie (davvisámegillii duodji) lea dehálaš oassi sámiid kulturárbbis. Duedtie lea ealáhus, kultuvra ja árbevierru. Hanne-Lena Wilks áigu ovddidit duedtie-beroštumiid bures, dadjá Sámiid Duodji duhtavaš jođiheaddji, Catarina Utsi preassadieđahusas.
Wilks lea Sámiid Duodji jođiheaddji lullisámi regiovnnas (Åarjel Saemien Dajve).
Son lea boazoeaiggát Skehkere sijtes, mieleaiggát Wilks Degisn AS:as ja beaivválaš jođiheaddji lullisámi giellaguovddážis Gielem nastedh Snåases.
– Sámiid Duodji illuda go dat «ođđa» Trøndelága fylkkagielda vuosttaš geardde nammada áirasa Sámiid Duojis, Sámi ráđđái. Dát lea erenoamaš dehálaš go duedtie lea dehálaš eahpeávnnaslaš kulturárbi. Duedtie lea guovddáš kultuvra- ja giellaguoddi sámiide, dadjá Utsi.
