Sunna-Inga Gaup Aamot gean leat oaidnán mannan dálvvi «Anno» TV-ráiddus, lea fas mielde eará TV-ráiddus, ja dán háve lea son irggástallame ges.
Sunna-Inga Gaup Aamot gean leat oaidnán mannan dálvvi «Anno» TV-ráiddus, lea fas mielde eará TV-ráiddus, ja dán háve lea son irggástallame ges.
Guovdageainnu nieida Sunna-Inga Gaup Aamot (28)lea fas mielde TV-ráiddus riikaviidosaš kanálas. Árabut dán jagi lei son mielde NRK-ráiddus «Anno», ja dán čavčča lea son ges mielde TV2-ráiddus «jakten på kjærligheten», dahje ráhkisvuođa ozus sámegillii.
Deaivvadan ovdal
Prográmmas galget olbmot irgalit boanddaide, ja Sunna-Inga galgáge gilvalit ovcci eará nieiddaiguin irgalit sávza ja mielkebondii Sondre Stubrudii, gii ássá Øyeris Gudbrandsdalenis. Nuppi prográmmas, mii sáddejuvvui bessege buot logi irgaleaddjit deaivvadit boanddain, ja čájehuvvui ahte boanda ja Guovdageainnu nieida leigga ovdal deaivvadan go leigga vázzán seamma skuvllas 10 jagi ovdal.
– Liikojin sutnje go son lei dalle nu čeahppi beaskidit sávzzaid, reašká Gaup Aamot TV2 prográmmas.
Skeŋkii «kasteboksa»
Deaivvadettiin iežas irgeávdnasiin, de skeŋkii Gaup Aamot sutnje oaggunrusttega, nu gohčoduvvon «kasteboksa». Dakkára ii leanboanda Sondre Stubrud ii goassige oaidnán, čájehuvvui TV2-prográmmas.
– In leat goassige leamaš «dates» ovdal, ja go dat mu vuosttaš čájehuvvo TV:s, lea nu heahpat ahte bealli lei sáhttit doarvái, lohká Sunna-Inga Gaup Aamot VG aviisii.
Sáddejuvvo mánnodagaid
Prográmma sáddejuvvo TV2 juohke mánnodaga, ja boahtte prográmmas galgá Sondre Stubrud válljet guhtta nieidda geaid váldá fárrui joavkodeaivvadeapmái, ja leaš oaidnit beassá go Sunna-Inga Gaup Aamot mielde.
