Dán vahkku čoahkkanit konfirmánttat jahkásaš sámi konfirmánttaleirii. Sámi identitehta ja risttálaš osku lea guovddážis.
Dán vahkku čoahkkanit konfirmánttat jahkásaš sámi konfirmánttaleirii. Sámi identitehta ja risttálaš osku lea guovddážis.
Leaira lea dán vahkkiloahpa Borgen leairabáikkis Omasvuonas Tromssas. 24 oasseváldi leat eret miehtá riikka. Dan dieđiha Norgga girku preassadieđáhusas.
Golbma sámegiela
Konfirmánttat servet ipmilbálvalusráhkkaneapmái, leat rihppaskuvllas ja servet sosiála doaimmaide sihke olgun ja siste.
Leairras gullojit golbma sámegiela, lullisámegiella, julevsámegiella ja davvisámegiella. Lassin vel dárogiella.
Golbma davimus bismagotti
Sámi girkoráđđi deattuha ahte konfirmašuvdnaoahpahus galgá heivehuvvon vai oasseváldit dovdet fátmmástuvvon sámegielat oskubirrasis.
Sámi girkoráđđi hutká ja čađaha konfirmántta leairra ovttas searvegottiiguin gos sápmelaččat ásset, ja golmma davimus bismagottiiguin.
Lea maid olu jagiid lágidan sámi nuoraidvahkkoloahpaid, gos leat kurssat nuorra jođiheddjiide geat maid leat oassin konfirmánttaleairras.
