Sámi Musihkkafestivála čohkkestii jury ođđa čoahkkimii go «Irdon» geassádii SGP-gilvvus, ja jury válljii ođđa gilvaleaddji, Ella Marie H. Isaksen, finalistan.
Sámi Musihkkafestivála čohkkestii jury ođđa čoahkkimii go «Irdon» geassádii SGP-gilvvus, ja jury válljii ođđa gilvaleaddji, Ella Marie H. Isaksen, finalistan.
Anárjoavku «Irdon» geassádii ikte eahket Sámi Grand Prix 2016 gilvvus go ilmmai ahte lávlla mainna ledje beassan Sámi Grand Prix gilvui lei jo almmuhuvvon sin ođđa skearrus.
– Mii šállošit go dakkár dáhpáhus čuožžilii, ja sávvat Irdon jovkui lihku ain viidáset ođđa skearruin, čállá Sámi Musihkkafestivála preassadieđáhusas.
Jury fertii fas čoahkkanit, ja leat gávdnan ođđa oassálasti, namalassii Ella Marie H Isaksen, Irdon joavkku sadjái.
Ella Marie H. Isaksen «Luoddaearru»
Deanu nieida Ella Marie lea 17-jahkásaš, geas fuolkkit maid leat Guovdageainnus. Lea vuosttaš geardde go son oassálastá SGP-gilvvus. Son ráhkada pop-lávlagiid sámegillii, ja luohti lea guovddážis su musihkas. Buot lávlagat maid son čállá leat vásáhusat maid ieš lea vásihan. Lávlla lea ovttasbargoprošeakta musihkkariin Roger Ludvigseniin.
