Dutkanbeivviid oktavuođas hástet olbmuid máistit árbevirolaš sámi lodde- ja luossamállása ihttin ja disdaga.
Dutkanbeivviid oktavuođas hástet olbmuid máistit árbevirolaš sámi lodde- ja luossamállása ihttin ja disdaga.
Dárbu varas lodde- ja luossamállásii lea juoga mii olbmuin lea varas go leat bajásšaddan dainna. Mállása govvidit dálkkasin sihke rupmašii ja sillui. Dutkanbeivviid oktavuođas áigu Árbediehto-prošeakta čalmmustahttit čáhcelotti ja mearraluosa buoiddi dahje vuoja.
Árbevirolaš čáhceloddemális
Mánnodaga lea fáddá loddemális ja loddevuodja – árbevirolaš čáhceloddemális vuššon čáhcelottis ja loddevuojas. Ovttas Sámi bivdo- ja meahcástanservviin leat hárjánan loddejeddjiid bovden ságastallat dán biebmoárbevieru ja čáhcelotti buoiddi birra. Mii áigut maiddái bidjat loddemállása man guossit besset máistit.
Mearraluossa guovddážis
Bjarne Johansen Tana og omegn sjølaksefiskeforeningas ja earát bohtet muitalit mearraluosa ja luosa buoiddi mearkkašumi birra, ja doppe besset gullat maid guhtamága birra. Guossit besset máistit mearraluosa maid Bjarne lea málestan iežas vuogi mielde disdaga.
“Buoidi árktalaš eamiálbmogiid borramuškultuvrras – geavaheapmi ja ribadeapmi” lea oassin Dutkanbeaivvi prográmmas Sámi Allaskuvllas, ja lágiduvvo stuoralávus Diehtosiidda olggobealde Guovdageainnus.
Gáldu: preassadieđáhus.
