Sámediggeráđđelahttu Silje Karine Muotka mielas lea buorre go Guolástusministtar ii áiggo doarjut rievdadusevttohusaid guolástusealáhusas.
Sámediggeráđđelahttu Silje Karine Muotka mielas lea buorre go Guolástusministtar ii áiggo doarjut rievdadusevttohusaid guolástusealáhusas.
Válgadigaštallamis Husøyas Tromssa fylkkas lávvordaga muitalii Guolástusministtar Elisabeth Aspaker ráđđehusa hilgut Tveterås-lávdegotti evttohusa mas áigot rievdadit gáibádusaid oassálastinlágas. Rievdadus livčče váikkuhit ahte guolásteddjiin ii leat sierra vuoigatvuohta eaiggádit eriid ja fatnasiid. Dán čállá NRK Sápmi.
Eai nu mielas
Sámediggi lea leamaš eahpádusas dása, dan rájes go evttohus bođii juovllaid áigge diibmá.
Evttohus lea leamaš gulaskuddamis ja leat badjel 70 cealkámuša ožžon. Dain sáhttá ovtta gieđain lohkat geat leat mielas evttohussii, muitala guolástusministtar Aspaker NRKii.
Measta vuordán dán
Silje Karine Muotka lohka buorre go guolástusministtar addá čielga signálaid hilgut daid eanemus radikála evttohusaid, ja lean maid measta vuordán dán, dadjá Muotka ja joatká:
– Stádaráđđi ii soaitte olles evttohusa hilgut, muhto mun sávan ahte mii ovdánit buriid proseassaid bokte nu ahte sihkarastit buriid eavttuid sihke guolásteddjiide ja olles mearrabiebmoealáhussii.