Sámediggeláhkaevttohusa hárrái barggut leat oassin Suoma ráđđehusprográmmas.
– Riekteministeriija ráđđádalli virgeolmmoš Yrsa Nyman muitala, ahte dálá plánaid mielde Petteri Orpo ráđđehus galggašii addit evttohusas sámediggelágas golggotmánu ovccát beaivvi. Dan ovdal ráđđehus ferte geargat ráđđádallat Sámedikkiin láhkaevttohusa sisdoalus, dieđiha Yle Sápmi.
Petteri Orpo ráđđehus stivregođii riikka mannan giđa rájes. Ovddit ráđđehusa áiggis sámediggeláhkaevttohusa ektui barggut lea gopmánan riikabeivviid vuođđoláhkaváljagottis guovvamánu 24. beaivvi dán jagi. Muđui golbma ovddit ráđđehusa áigodagain sámediggelága olis barggut eai mannan čađa.
Ođđa Suoma ráđđehus lea geassemánu 16. beaivvi almmuhan iežas ráđđehusprográmma mas oassin daddjo ahte sámediggelága olis barggut galget joatkašuvvat ja ahte dat galgá fas dolvojuvvot Suoma Riikabeivviide dán jagi.
