Romssa ja Finnmárkku fylkkagielda juohká guhtta valáštallanstipeandda dán jagi. Juohke valáštalli oažžu 15 000 ruvnnu.
Gáivuotnalaš Sajane Karina Olsen oažžu 15 000 ruvdnosaš valáštallanstipeandda Romssa ja Finnmárkku fylkkagielddas.
Sajane Karina birge bures taekwondo valáštallamis sihke riikka- ja máilmmidásis. Valáštallanstipeanda galggašii nuorra valáštalliid movttiidahttit joatkit iežaset valáštallamis.
Oktiibuot ožžot guhtta nuora Romssa ja Finnmárkku fylkkagieldda valáštallanstipeandda.
– Sajane Karina Olsen (19 jagi), son ovddasta Manndalen UIL taekwondos.
– Tiril Jørgensen (20 jagi), son ovddasta Harstad Cykleklubba sihkkelastimis.
– Miriam Amalie Pedersen (16 jagi), son ovddasta Hammerfest Skytterlaga báhčimis.
– Sander Røberg (19 jagi), son ovddasta Tjeldsund IL / Tjeldsund Kickbokserklubba kickboksemis.
– Espen Burger (16 jagi), son ovddasta Varanger Trekkhundklubba beanavuodjimis.
– Trym Silsand Gerhardsen (19 jagi), son ovddasta Tromsø Skiskytterlaga čuoiganbáhčimis.
