Finn-Hågen Krogh ii dieđe mo šaddá áŋgiruššat riikajoavkku olgobealde.
Lea NRK mii čállá vuosttažin ášši ahte Finn-hågen Krogh lea ožžon dan dieđu. Krogh sáhttá saji massit dan sivas go maŋimuš čuoiganáigodagas ii leat olahan pállasaji, muhto son oaivvilda ahte ferte leat sadji heajos jahkái ja ain doalahit riikajoavkku saji.
– Ii leat nu ahte mus lea máilmmi heajos čuoiganáigodat leamaš. Mun lean logi buoremusa searvvis leamaš buot iežan čuoigamiin, dadjá Krogh NRK:i ja čájeha boađusráiddu 10-8-8 golmma iešguđet 15 kilomehtera friija-čuoigamis.
Son lei maid finálas dan áidna luistensprinttas mii lea leamaš.
– Oainnán ahte in leat buoremus vuoimmis dál. Jus dan nákcen justeret, de dieđán maid sáhtán. Dasa lassin leamaš ártegis áigodat ja dušše vihtta čuoigama mu bealis, dadjá son NRK:i.
Krogh sprinta-áigodat:
Klassihkalaš, Beitostølen, áigodatrahpan (skabmamánu 20. b): 22. sadji.
Friijačuoigan, Sjusjøen, Norgga cup (juovlamánu 4. b): 4. sadji.
Klassihkalaš, Lygna, Norgga cup (ođđajagemánu 8. b): 23. sadji.
Friijačuoigan, Ulricehamn, máilmmicup (guovvamánu 7. b): 11. sadji.
Gáldu: NRK
