Guokte duiskkalačča bissehalaiga duollus odne disdaga go lei beare ollu guolli mielde ráji badjel. Duollárat leat duoguštan guliid, ja dat guokte dievddu geat leaba badjel 50-jahkásaččat leaba dohkkehan sáhkuid.
Goappásge lei 150 kilo guolli mielde, ja soai oaččuiga sáhkuid 12 400 ruvnno ja 13 500 ruvnno ovddas maid šaddaba máksit.
Dán dieđiha Oarje-Finnmárkku politiijaguovlu Twitteris.