Guovdageaidnulaš šaddá ođđa politiijameasttir Finnmárkkus go oarje- ja nuorta Finnmárku časkojuvvot oktii ođđajagimánus.
Guovdageaidnulaš šaddá ođđa politiijameasttir Finnmárkkus go oarje- ja nuorta Finnmárku časkojuvvot oktii ođđajagimánus.
Dán jagi lea ráđđehus čađahan ođđa lagaspolitiija reforbma, gos časket oktii dan dálá 27 politiijaguovllu, ja Ođđajagimánu vuosttaš beaivvi rájes leat dušše 12 politiijaguovllu olles Norggas. Finnmárku šaddá okta politiijaguovlun, go dálá oarje- ja nuorta Finnmárku časkojuvvot oktii.
Ii kommentere vuos
Dagbladet aviissa dieđuid mielde de virgáduvvo dálá Nuorta-Finnmárku politiijameašttir, Guovdageaidnulaš Ellen Katrine Hætta politiijameasttirin Finnmárku politiijaguvlui.
Hætta lea leamaš politiijameasttir 2011 rájes, ja lea oahppan juristta. Sus lea maid advokáhttajuolludus ja lea duogáš politiijaadvokáhttan, politiijainspektevran ja stáhtaadvokáhttan.
Hætta lea otne mátkis olgoriikas, muhto Nuorta-Finnmárkku politiijaguovllus celket ahte Hætta ii kommentere áššis maidege, go dat leat dieđut maid eai dieđe ovdal bearjadaga go ođđa politiijameasttirat nammaduvvot Gonagasas stáhtaráđis.
Dat šaddet politiijameastárat:
Romssa politiijaguovlu: Ole B. Sæverud
Nordlándda politiijaguovlu: Tone Vangen
Trøndelag politiijaguovlu: Nils Kristian Moe
Møre og Romsdal politiijaguovlu: Ingar Olav Bøen
Oarji politiijaguovlu: Kaare K. Songstad
Rogalándda politiijaguovlu: Hans Vik
Agder politiijaguovlu: Kirsten Lindeberg
Nuortalulli politiijaguovlu: Christine Fossen
Siseatnama politiijaguovlu: Johan Brekke
Nuorta politiijaguovlu: Jon Steven Hasseldal
Oslo politiijaguovlu: Hans Sverre Sjøvold
