Sydvaranger Gruve fitnodat Girkonjárggas sáhttá koŋkánit go okta gálvolágideaddji lea bissehan gálvvuid buktimis.
Sydvaranger Gruve fitnodat Girkonjárggas sáhttá koŋkánit go okta gálvolágideaddji lea bissehan gálvvuid buktimis.
Ruvkis barget 400 olbmo ja lea stuora bargobáiki ollugiidda Girkonjárggas. Lea guhká leamašan eahpesihkkaris dilli fitnodagas ja lea massán dietnasiid maŋemus áiggiid. Dál lea dušše ruhtadeapmi jođihit ruvkii olggos golggotmánu. Málmma haddi lea jo gáhččan badjel 60 proseanta njealji jagis.
Diggi ferte čoavdit ášši
Lea fitnodat Pon Equipment gii buktá ruvkeávdnasiid gii ii šat áiggo buktit rusttegiid ruvkefitnodahkii. Sydvaranger lea váidalan Pon fitnodaga ja gáibidan buktit rusttegiid ovttatmanos. Sydvaranger čállá riektecealkámušas ahte jus Pon ii buvtte rusttegiid sidjiide, de sáhttá Sydvaranger koŋkánit moatti beaivvis. Riektecealkámušas lohka Pon ahte Sydvaranger sáhttá eará báikkis oažžut rusttegiid, muhto ruvkefitnodat biehttala ja oaivvilda Pon fitnodagas monopola. Dát ášši manná diggái viidáset árvvoštallot lea go bággu buktit rusttegiid go šiehtadus ii leat šat doaimmas.
Dán čállá Altaposten NTB dieđuid vuođul.
