Norgga ruovttuin lea el-rávdnjegeavaheapmi njiedjan 1993 rájes. Seammás lea valljivuođalassáneapmi dagahan ahte barttaid el-rávdnjegeavaheapmi lea golmma geardde eanet go 25 jagi áigi.
Norgga ruovttuin lea el-rávdnjegeavaheapmi njiedjan 1993 rájes. Seammás lea valljivuođalassáneapmi dagahan ahte barttaid el-rávdnjegeavaheapmi lea golmma geardde eanet go 25 jagi áigi.
Statistihkalaš guovddášdoaimmahat lea guorahallan norgalaččaid el-rávdnjegeavaheami 1993-2017 rádjái.
Čájehuvvo ahte Norgga ruovttuin geavahuvvo unnit el-rávdnji go 25 jagi áigi.
Dalle geavahedje Norgga ruovttuin birrasii 18 000 kWh jahkái. 2003 rájes leat dállodoaluin geavahan gaskal 15 500 – 17 500 kWh.
El-rávdnjegeavaheapmi lea jáhkkimis njiedjan go rávdnjehattit leat gorgŋon ja go dálkkit leamaš bivvalat. Dasa lassin leat olbmot maid isoleregoahtán viesuideaset buorebut.
Barttain geavahit eanet rávnnji
Norgga bartaeaiggádat gal geavahit sakka eanet rávnnji dál go 1993:s.
El-rávdnjegeavaheapmi lea lassánan golmma gerddiin, čállá Statistihkalaš guovddášdoaimmahat.
Lassáneapmi dáidá dáhpáhuvvan go dál leat eanet barttain el-rávdnji go ovdalaš áigge.
Ollislaš el-rávdnjegeavaheapmi lea maid lassánan Norggas ja dat dáidá danin go valljivuođabuorit ja olmmošlohku lassána.
