Ruošša lea ásahan garra doaibmabijuid korona dávdda ektui riikkarájiid gaskka. Olbmot geat uhkidit álbmotdearvvašvuođa, sáhttet bággehallat iskosii ja errenáigái.
Politiijat Finnmárkkus leat ožžon dieđu movt Ruošša pláne heađuštit korona- dávdda.
Sii geat mátkkoštit Storskog rádjestašuvnna ja Borisoglebska bokte Ruššii fertejit mieđihit Ruošša plánaide ja doaibmabijuide korona- dávdda geažil.
– Dat mearkkaša ahte olmmoš sáhttá válljet máhccat ruovttoluotta Norgii, ovdamearkka dihte jus Ruošša njoammunsuodjaluseiseválddit gávdnet ákka bidjat du errenáigái, muitala Finnmárkku politiijaguovllu jođihangoddehoavda, Tarjei Sirma Tellefsen.
– Ja jus árvvoštallet ahte uhkidat álbmotdearvvašvuođa, de sáhttet bágget váldit iskosa, boahkuhit dahje eará njoammunsuodjalusdoaimmaid čađahit errenáiggis Ruoššas.
Tellefsen ii ávžžut olbmuid mátkkoštit Ruššii jus lea feber dahje eará buozalmasvuohta.
(©NTB)