-Almmuhus-
-Almmuhus-
OĐĐASATRuhtada sámedoaimmaid

Ruhtada sámedoaimmaid

-

-

Finnmárkku fylkkagielda ávvuda 2017:s vuosttaš sámi riikačoahkkima čuođi jagi ávvudeami earret eará dáiddalaš buktosiiguin ja prošeaktaruđaiguin sámi ulbmiliidda.

Finnmárkku fylkkagielda áigu čalmmustahttit ávvudanjagi sihke dáiddalaš buktosiiguin čalmmustahttinvahkkui Roanddimis ja eará osiin jagis. Sii áigot ruhtadit prošeavttaid mat nannejit ja čalmmustit sámegiela ja sámi kultuvrra olles Finnmárkkus.

– Mii ávžžuhit joavkkuid, servviid ja priváhtaolbmuid ohcat doaimmaid mat nannejit ja ovddidit sámegiela ja kultuvrra Finnmárkkus, čállá Nina Merete Austad preassadieđáhusas. Son lea sámi giela, kultuvrra ja servodat ráđđeaddi Finnmárkku fylkkagielddas.

 

Prošeaktaruđát sámevuođa nannemii Finnmárkkus

Ruđat sámi ulbmiliidda lea ohcanvuđot ortnet doaimmaide ja prošeavttaide mat galget váikkuhit nanneme ja čalmmustit sámegiela ja sámi kultuvrra Finnmárkkus.

Ortnega váldoulbmiljoavkun leat mánát ja nuorat. Fylkkavárresátnejođiheaddji Ragnhild Vassvik oaivvilda lea dehálaš ahte Tråante 2017 maiddái čalmmustahttojuvvo olles Finnmárkkus:

– Tråante 2017 lea hui buorre vejolašvuohta bidjat demokratiija, máŋggabealatvuođa ja sámi perspektiivva beaiveortnegii sihke našuvnnalaččat ja dáppe Finnmárkkus. Stuorámus sámefylkan, de lea lunddolaš ahte Finnmárkkus maiddái leat doalut ávvudeami oktavuođas.

– Álbmotprošeavttat leat hui dehálaččat sámevuođa čalmmustahttimii, ja earenoamáš dehálaš leat dat 2017:s go mii čalmmustahttit dehálaš historjjálaš dáhpáhusa. Ruđat sámi ulbmiliidda deattuhit eanet oassálastima ja beroštumi sámi kultuvrii, earenoamážit mánáin ja nuorain min fylkkas. Danin mii háliidit ávžžuhit joavkkuid, serviid ja priváhtaolbmuid ohcat prošeaktaruđaid buriid prošeavttaide ja doaimmaide mat guovdilastet sámevuođa nannema Finnmárkkus, lohká son.

 

Eará buktosat ávvudeapmái

2017 Sámi álbmotbeaivi čalmmustahttojuvvo maiddái Finnmárkku fylkkagieldda doaimmain miehtá fylkkas. Dasa lassin lea Lávdi Finnmárku gierdomátkkis ávvudančájálmasain, ja lea mielde lágideami bihttá «Vidderna inom mig» mas Svante Henryson lea buvttadeaddji.

Čájálmas lea hábmejuvvon Nils-Aslak Valkeapää teavsstaid vuođul. Ávvudančájálmas ovdanbuktojuvvo Nidarosa duopmogirkus ávvudanvahkkus.

 

Oassálastin ja máŋggabealatvuohta

2017 ávvudanjagi ulbmil lea čalmmustit ja gaskkustit máhtu sápmelaččaid ja sámi kultuvrra birra čuohtejagi perspektiivvas, ja váikkuhit oassálastimii ja máŋggabealatvuođa, vuoiggalašvuođa ja demokráhtalaš ovdáneami áŋgiruššamii.

Ávvudeapmi čalmmustahttojuvvo maiddái ávvudan vahkkuin Roanddimis guovvamánu 5. b. – 12. b. ja leat čalmmustahttimat olles jagi miehtá riikkas.

-Almmuhus-