-Almmuhus-
OĐĐASAT Ruhta maid diibmá pántejit lea juoga­duvvon

Ruhta maid diibmá pántejit lea juoga­duvvon

-

-

Finnmárkku Rukses Ruossa lea ožžon 171 469 ruvnno Pantelotteriijas diibmá, mii lea stuora lassáneapmi jagis. Geahča man olu searvvit ožžot Finnmárkkus.

Lassáneapmi lea 33 proseantta 2018 ektui.

– Leat dehálaš ruđat midjiide, mat dahket ahte sáhttit eanet bargguid doaimmahit, čilge Finnmárkku Rukses Ruossa beaivválaš jođiheaddji Randi Vaage preassadieđáhusas.

Giitevaš Rukses Ruossa 

Oktiibuot oažžu Rukses Ruossa 62 miljovnna ruvnno Pantelotteriijas 2019 ovddas. Bealli dain ruđain mannet báikkálaš Rukses Ruossa servviide.

– Háliidan giitit buohkaid geat dorjot min pántema bokte, lohká Vaage.

– Doarjja geavahuvvo kursemiidda, doaimmaide, ohcan- ja gádjunreaidduide ja fuollasurggiide, ja lea buorre doarjja dan eaktodáhtolaš bargui mii dáhkko báikkálaččat, lohká Vaage.

Ollu pánten

Eanemus doarjja bođii Rema1000 rámbuvrras Honnesvágis. Doppe bođii 74 373 ruvnno. Nubbin eanemus ruhta bođii ges Rema1000 Veislettas gos bođii 72 216 ruvnno. Goalmmádin ges Rema1000 Hesseng gos čoggui 55 402 ruvnno.

Rámbuvra Finnmárkkus gos eanemusat pántejit, lea Spar Leavdnja.

Diibmá vuite oktiibuot 11 olbmo Pantelotteriijas stuorimus vuoittu mii lea miljovnna ruvnno.

2008 rájes leat 81 olbmo šaddan pántamiljonearan Pantelotteriijas.

Dán oasi Pantelotteriijas ožžo báikkálaš Rukses Ruossasearvvit 2019:

1. Hámmárfeastta Rukses Ruossa 36 912 ruvnno

2. Álttá Rukses Ruossa 30 760 ruvnno

3. Mátta-Várjjaga Rukses Ruossa 25 978 ruvnno

4. Čáhcesullo Rukses Ruossa 22 093 ruvnno

5. Finnmárkku Rukses Ruossa 15 873 ruvnno

6. Leavnnja Rukses Ruossa 11 281 ruvnno

7. Báhcavuona Rukses Ruossa 7039 ruvnno

8. Unjárgga Rukses Ruossa 5873 ruvnno

9. Guovdageainnu Rukses Ruossa 5378 ruvnno

10. Kárášjoga Rukses Ruossa 5325 ruvnno

11. Várjjaga Rukses Ruossa 4730 ruvnno

12. Gilivuona Rukses Ruossa 227 ruvnno

- Advertisement -
-Almmuhus-