RiksTV šaddá dál olámuttos Finnmárkkus go ráhkada šiehtadusa InfraNordain ja Luostejok kraftlagain.
Luostejok Kraftlag SA ja InfraNord Finnmárkkus háliidit dál fállatRiksTV bálvalusa.
Dat merkkaša ahte RiksTV álgá elfápmofitnodaga fibergaskkusteami TV-bálvalusaid sisdoallolágideaddjin.
Fitnodagas lea dássážii leamaš TV šiehtadus Get nammasaš fitnodagain.
– Mii leat ilolaččat go beassat ovttasbargat ja oažžut vejolašvuođa addit áigeájánasbálvalusa ođđa geavaheddjiide Finnmárkkus. Dáid beivviid bargat mii garrasit oažžut buori sirdašumi min lusa, ja mii ságastallat gaskaneaset bures. Mii áigut addit buori ja ođđaáigásaš TV-bálvalusa mas lea alla kvalitehta, mainna lean sihkar ahte geavaheaddjit leat duhtavaččat, muitala Christopher Knudsen, RiksTV gávpeovdáneami ja teknologiija direktevra.
Dán jagi geassemánus besset InfraNord ja Luostejok Kraftlag addit RiksTV bálvalusa fibergeavaheddjiide.
– Mii leat movttegat go leat ožžon ná buori šiehtadusa RiksTV:in. Dát addá min geavaheddjiide buriid TV-bálvalusaid. RiksTV fállá ođđa geavahedjide TV-páhka man ieža háliidit. Min geavaheaddjit ožžot leat duhtavaččat dál, dadjá Lars Storelv, gii lea Luostejok Kraftlag hálddahusjođiheaddji.
Šiehtađus Getiin heaittihuvvo 2019 loahpageasi ja geavaheaddjit ožžot ođđa TV-dekodara RiksTV:s.
– RiksTV berošta min profiillain ja sáhttet gáhttet dan. Mis lea lagas bargu RiksTV:in nu ahte geavaheddjiin galget leat buorit TV fálaldagat ja ahte sirdin RiksTV:i mánná bures, dadjá Lars Storelv.
– Ovttas InfraNordain ja Luostejok Kraftlagain háliidat mii addit geavaheddjiide buori bálvalusa mas leat dábálaš TV ja ráddjenbálvalus. RiksTV:s leat visot Norgga kanálat ja stuorimus internašunála kanálat, dasa lassin leat TV2, Eurosport ja Viasport valáštallankanálat, dadjá RiksTV Christopher Knudsen.
Geavaheaddjit geat ožžot RiksTV InfraNorda ja Luostejok fibera čađa, besset maid dál geahččat TV barttas, fatnasis dehe gohttenvognas eananneahta čađa, mii lea RiksTV abonnemeanttas mielde.
– Dát addá geavaheddjiide rievdadanmuni ja válljenvejolašvuođaid. RiksTV háliida gaskkustit TV ii ge hálit gilvalit InfraNordain ja Luosetjok Kraftlagain interneahta bokte. Dan dihte lea dát miellagiddevaš ovttasbargu mainna háliidit addit geavaheddjiide válljen vejolašvuođa, muitala Jonas Johnsen InfraNordas.
