Ikte mearridii gilvvuid jođihangoddi rievdadit gilvomađiija of700 nisson ja mix joavkkuide dulvvi geažil.
Leavnnja joavkkut Team Luostejok Kraftlag (703) ja Team OP Elektro (701) leaba maŋŋálaga duolmmadeamen ja joavdan Čuojajohkii.
Team Luostejok Kraftlag goittot lea duolmmastan jo viidáset Suoluvuopmái.
Rievdadedje ruvttu
Ikte mearridii maiddái gilvvuid jođihangoddi rievdadit gilvomađiija nisson ja mix joavkkuide dulvvi geažil.
– Mázejohka lea beare dulvvis nisson gilvaleddjiide ja fertiimet jurddašit sihkarvuođa birra, dadjá gilvvuid jođiheaddji Jørund Greibrokk Ávvirii.
Sii vudjet dál boares geainnus gaskal Guovdageainnu ja Suoluvuomi. Almmáiolbmot goittot šaddet rasttildit Mázejoga.
Mađiija ii leat merkejuvvon GPS čuovvunrusttegii, ja dan dihte orro ahte joavkkut dulbmot boastut, vaikko leat rivttes mađi alde.
Sii maiddái eai duolmmo Čuojajoga vuoiŋŋastanbáikki meattá, muhto vudjet njuolga Suolovuopmái.
Vuolgga láhkona
Badjelaš viđa diimmu geahččen lea vuolgga olles 300 kilomehtera gilvvus ja of700 gilvaleaddji besset duolmmadit singuin fárrolága.
Mollii vurdojuvvojit of700 gilavleaddjit ihttá iđida diibmu 09:00 rájes, go fas of300 gilvaleaddjit diibmu 14:00 rájes.
