Riddu Riđđu lea ávvudan 25 jagi ja dan viđa beaivvis go feastivála lágiduvvui de leat 7139 olbmo galledan iešguđet dáhpáhusaid prográmmas, ja dat lea 35 proseantta lassáneapmi diimmážis.
Riddu Riđđu lea ávvudan 25 jagi ja dan viđa beaivvis go feastivála lágiduvvui de leat 7139 olbmo galledan iešguđet dáhpáhusaid prográmmas, ja dat lea 35 proseantta lassáneapmi diimmážis.
Dán jagaš Riddu Riđđus ledje ollu guossit, ja feastivála lea vuovdán 7139 bileahta. Feastivála jođiheaddji Karoline Trollvik muitala ii lean olahus, muhto ii leat guhkkin eret. Son lea hui duhtavaš loguiguin ja muđui olles feastiválain.
– Buot lágidemiin mat mis leat leamaš dáppe, doppe leat olbmot fitnan ja mii leat hui duhtavažžat go olbmot leat čájehan nu stuora beroštumi prográmmii.
– Ealán guhka dainna
Trollvik persovnnalaš buoremus vásáhus ledje davviálbmogiid doaluin.
– Oažžot eanet ipmárdusa nubbi nuppiid kultuvrra birra lea hui áigeguovdil daid beivviid, lohká son.
Feastiválahoavda beasai maid leat mielde dán jagáš davviálbmogiid doaluin lávvordaga,ja šattai váldoolmmožin olles dáhpáhusas, gos lokteje su áibmui dánsundáhpáhusas.
– Lei hui hávski leat oassin dan ja mun boađan eallit guhka dainna muitala son. Trollvik geassá maid ovdán Riddu Sessions, mas golbma nuorra nieidda ovttas ovdanbukte diŋgojuvvon barggu, go liikostuvvui bures.
Siivos guossit
Trollvik muitala leamaš maid jaskes doaluid rigearaid ektui, ja eaige leat leamaš stuorát dáhpáhusat.
– Leat leamaš moadde smávit dáhpáhusa, muhto mis leat ollu sihkarvuođabargit ja dat áššit čovdojuvvo jođánit, lohká son.
Váldoartisttat geasuhedje
Vaikko lei dálki ja arvi lávvordaga, de ii orron dat hehtteme gehččiid. Trollvik lea hui duhtavaš go sin váldoartistat Hanggai ja Ana Tijoux váldojuvvo nu bures vuostái.
– Dat artistat leat apmasat goit Norggas, muhto hui stuorrát máilmmis, ja dat artistat šadde buorit konseartan. Dat čájeha ahte min feastivála guossit luhttet midjiide go bivdit artisttaid, ahte dat leat buorit ja kvalitehtaartistat, lohká Trollvik.
