Reinås vuittii guokte golli

Davvi-Norgga measttirčuoigamat lágiduvvojit dán vahkkoloahpa Kvaløyslettas Romssas, ja lágideaddjin lea Kvaløysletta skilag.

Bearjadaga vuittii Skániid čuoigi Jan Arthur Reinås golli 7,5 km klassihkalaš čuoigamis. Silbba vuittii Amund Kleist Godal (MVS/Innstrandens IL) ja bronsasadjái bođii Sigve Bornø Novstad (NNS/Medkila Skilag).

 – Lei lossat dál čuoigat, muhto mun nákcejin goti čađahit. Loahpas šattai ge hui buorren čuoigamin, dadjá Reinås NRK Sápmái.

Birgemeahttun

Lávvordaga 15 km friddjačuoigamis lei Jan Arthur Reinås áibbas birgemeahttun. Son lei 02:30, 4 ovdalis silbavuoiti Amund Kleist Godal (MVS/Innstrandens IL). Bronssa vuittii Henrik Arntzen Joks (Forsøk IL/Team Nordlysbyen Ski).

 – Lei hui buorre čuoigan. Mun dollen alla leahtu álggu rájes ja čuigen seamma leahtuin olles 15 kilomehtera, lohká Reinås NRK Sápmái.