Diibmá máksui 419 miljovnna ruvnno ráhtomáksu boares biillain miehtá riikka. Finnmárkulaččat ožžo 2095 vuojána ovddas ráhtomávssu, ja gárttai 6,3 miljovnna ruvnno máksot olbmuide.
Diibmá máksui 419 miljovnna ruvnno ráhtomáksu boares biillain miehtá riikka. Finnmárkulaččat ožžo 2095 vuojána ovddas ráhtomávssu, ja gárttai 6,3 miljovnna ruvnno máksot olbmuide.
Vearroetáhta válddii ođđajagis diibmá badjelasas Duolloetáhta barggu máksit ráhtomávssu vuojániid ovddas. Vuosttaš jahkebeali ledje 1113 biilahilggohasa Finnmárkkus, ja nuppi jahkebeali fas 982.
– Mii vásihit ahte vuosttaš jahkebeali buktet eanemus biilahilggohasaid. Stuorimus ágga lea go áigemearri doalvut biilahilggohasa lea njukčamánu 20. beaivvi, vai beassá eret luoddadivatmáksimis, muitala Vearroetáhta seniorráđđeaddi Kjell Vindvik.
Máksu biilla ovddas
Go doalvu biilla dohkkehuvvon hilggohasšilljui, de máksá Vearroetáhta biilla ráhtomávssu mii lea 3000 ruvnno.
– Váldde vára hilggohasduođaštusas maid oaččut. Dát lea du duođaštus ahte leat guođđán biilla dohkkehuvvon hilggohasšilljui, lohká Vindvik.
Finnmárku lea fylka Norggas gos unnimusat buktet hilggohasaid. Go buohtastahttá ovddit jagiin, de lea 20 proseantta lassáneapmi hilggohasaid buktimis.
Dás gávnnat báikkiid gos dohkkehuvvon hilggohasšiljut leat.
| Fylkkat | Jahki 2016 | Jahki 2015 |
| Nordlánda | 6950 | 6474 |
| Romsa | 6322 | 6303 |
| Finnmárku | 2095 | 1750 |
