Sii geat háliidit searvat Ráđđeviesu iđitboradeapmái Sámi álbmotbeaivvi oktavuođas, sáhttet dál dieđihit dasa mielde.
Dieđiheapmi rahppui ođđajagiemánu 8. beaivvi ja giddejuvvo 18. beaivvi, čállá Oslo Sámi Viessu sin neahttasiiddus.
Sámi Viesus leat ráddjejuvvon vissis mearri dan 400 bileahtas maid eaiggátorganisašuvnnat, skuvllat, mánáidgárddit ja earát, geat geavahit Oslo Sámi Viesu lanjaid, juogadit gaskaneaset.
Ráđđeviessu čohkke de loahpas ollislaš nammalisttuid namuhuvvon ossodagain.
Sámi Viesu eará geavaheaddjit fertejit váldit oktavuođa Maria Varsiin e-poastta bokte.
Vahkku maŋŋel go dieđihanáigemearri dievvá, de boahtá duođaštus leat go ožžon saji.
– Bileahtaid ferte viežžat áigodagas ođđajagemánu 26.beaivvi ja guovvamánu 2. beaivvi Sámi Viesus, dieđiha Sámi Viessu sosiála mediain.
