Davás Film lea ráhkadan Agnete Johnsena Melodi Grand Prix vuoitolávlagii musihkkavideo mii almmuhuvvo dán lávvordaga.
Davás Film lea ráhkadan Agnete Johnsena Melodi Grand Prix vuoitolávlagii musihkkavideo mii almmuhuvvo dán lávvordaga.
Dán jagáš Norgga Melodi Grand Prix vuoitti, Unjárgalaš Agnete Johnsen galgá almmuhit video iežas vuoitolávlagii «Icebreaker» dán lávvordaga. Video lea Davás Film, Ken Are Bongo buvttadan, ja rešissevra lea Elle Marja Eira.
Liikui jurdagii
Eira muitala ahte sudnos Bongoin lei jurdda konseptii movt musihkkavideo galgá.
– Jurdda lei geahččalit Agnete Johnesena konsearta ovdanbuktima Grand Prixas govvidit, ja báddet dálvet dáppe davvin gos lea erenoamáš čáppa luondu.
Oažžuime diehtit Agnete Johnsena manageris ahte ožžo barggu, ja Agnete ieš liikui hui bures dan munno jurdagii, lohká Eira.
Ruovttubáikkis
Eira muitala sii leat video bádden guokte vahkku áigi Johnsena ruovttuguovllus ja Álttás.
– Mii leat bádden earret eará meara nalde go lea jiekŋa, ja lei oalle čoaska biegga dalle, lohká Eira.
Sámi filbmabargit
Soai Bongoin eaba lean vuordán ahte soai oažžuba dan video ráhkadit.
– Moai oažžuime bearjadaga diehtit ahte ožžo barggu ja disdaga leimmet juo báddeme. Šattaime oanehis áiggis čohkkestit bargiid, ja hui somá go oažžuime eanaš sámi filbmabargiid fárrui bargui, lohká Eira.
