Olbmot besse fárrui dánsut go Riddu Riđđu dán jagaš davviálbmogat háste olbmuid mielde iežaset dánsumii.
Olbmot besse fárrui dánsut go Riddu Riđđu dán jagaš davviálbmogat háste olbmuid mielde iežaset dánsumii.
Riddu Riđđu feastivála dán jagáš davviriikkalaš álbmogat leat eret Taiwanas, ja gullet golmma iešguđetlágan joavkkuide doppe, Paiwan, Amis ja Atayal. Buot dáin álbmogiin lea lea dánsun guovddážis sermoniijain ja čoagganemiin. Riddu Riđđus bessege feastivála guossit vásihit oasi das go sii lávlo, dánsejedje ja hástte vel gehččiid searvat sin dánsumii ja lávlumii.
Tuhi Martukaw muitala Riddu Riđđus lea hui earálágan go su ruovttuguovllus, muhto ovtta ládje dego ruovttus.
– Buot mojit, juogadeapmi ja olbmot dearvvahit nubbi nuppi lea hui seammalágan vuoigŋa go ruovttus, muitala son.
Okta gii lei maid geahččame guoimmuheami lei Anders P. Bongo, ja su maid háste fárrui.
– Dat lei hui somá, dadjá Bongo ja muitala doppe lei okta Taiwana nissonolmmoš gii dohppii ja hásttii su mielde dánsut rieggás earáid mielde, iige sus lean eará ráđđi go searvat dánsut ja lávlut. – In mun ipmirdan gal maid dat lávlo, boagusta Bongo ja joatká – Mun lean ovdal leamaš mielde diekkár sullásaš dánsumis Ruoššas. Doppe lei maid seamma go dáppe, dadjá Bongo.
