– Ráđđehus duolbmu boazosámiid, lohká Bargiidbellodaga sámediggejoavku ja Ealáhus- ja kulturkomitea jođiheaddji ja suoivvaáššejođiheaddji Nussir ja Gumpenjuni ruvkeáššis Mariann W. Magga preassadieđáhusas.
– Ráđđehus duolbmu boazosámiid, lohká Bargiidbellodaga sámediggejoavku ja Ealáhus- ja kulturkomitea jođiheaddji ja suoivvaáššejođiheaddji Nussir ja Gumpenjuni ruvkeáššis Mariann W. Magga preassadieđáhusas.
– Ráđđehus hilgu álbmotrievtti go eai viečča dieđihuvvon dohkkehemiid, ja go eai leat ráđđádallamat leamaš Sámedikkiin dahje vuoigatvuođaoamasteddjiiguin, lohká Mariann W. Magga.
ILO-konvenšuvnna artihkkalis 169 čuožžu movt dákkár áššit galget gieđahallot, ja lea gáibádus viežžat dohkkeheami sihke ILO-konvenšuvnna bokte ja ON-eamiálbmotjulggaštusas. Ráđđehus hilgu álbmotrivttiid go eai ráđđádala ja viečča dohkkeheami. Sámediggi ii sáhte hilgut álbmotrievtti dainna lágiin go ráđđehus lea dahkan dán áššis.
Preassadieđáhusas čállet Bargiidbellodaga sámediggejoavku ahte sii eai sáhte dohkkehit Nussir ASA doaibmalobi.
