Mannan geasi mearridii Sámediggi ja Vealahanáittardeaddji álggahit sámi duohtavuođakommišuvnna ulbmiliin loktet oidnosii Ruoŧa stáda vearredaguid sámiid vuostá. Vuosttaš čoahkkin barggu birra dollojuvvo odne, bearjadaga.
Mannan geasi mearridii Sámediggi ja Vealahanáittardeaddji álggahit sámi duohtavuođakommišuvnna ulbmiliin loktet oidnosii Ruoŧa stáda vearredaguid sámiid vuostá. Vuosttaš čoahkkin barggu birra dollojuvvo odne, bearjadaga.
Odne, bearjadaga, álgá ráđđádallan duohtavuođakommišuvnnabarggu birra man Sámediggi ja Vealahanáittardeaddji galget ásahit. Ulbmil lea iskat Ruoŧa stáda vearredaguid sámiid vuostá. Sihke Eurohpáráđđi ja ON leat máŋgii cuiggodan Ruoŧa stáda sámepolitihkas ja vealaheamis mii ain váikkuha sámiid dili Ruoŧas. Sámediggi ja vealahanáittardeaddji leat bovden sámi riikkaorganisašuvnnaid ja Sámedikki lávdegottiid vuosttaš čoahkkimii ráđđádallat movt bargat viidáseappot, čállá SVT Sápmi.
Buoridit sámiid dili
– Dát lea vuosttaš čoahkkin mas sii galget ságastit maid duohtavuođakommišuvnna mearkkaša, makkár vuordámušat sis leat ja maid dat galgá sisdoallat, dadjá Håkan Jonsson, Sámedikki stivraságadoalli SVT Sápmái.
– Doaivva gal lea ahte dakkár duohtavuođakommišuvdna sáhttá buoridit sámiid dili Ruoŧas. Dat mii goit dáhpáhuvvá lea ahte dihtui ja oidnosii bohtet visot dilit ja dáhpáhusat mat leat leamaš maŋemus čuohtejagi, árvala Bror Saitton.
