Iskkadeapmi, man Kommunal Rapport lea čađahan, čájeha ahte priváhta mánáidgárddiin ožžot mánát dávjjit liegga biepmu, seammás go máksá eambbo.
Iskkadeapmi, man Kommunal Rapport lea čađahan, čájeha ahte priváhta mánáidgárddiin ožžot mánát dávjjit liegga biepmu, seammás go máksá eambbo.
Iskkadeapmi, man Kommunal Rapport lea čađaha, čájeha ahte 86 proseantta mánáin suohkanmánáidgárddiin ožžot liegga biepmu okte dahje guktii vahkkus.
Priváhta mánáidgárddiin ožžot 59 proseantta mánáin liegga biepmu okte dahje guktii vahkkus. 27 proseantta mánáin ožžot golmma dahje njeallje háve vahkkui 14 proseantta mánáin ožžot liegga biepmu juohke beaivvi.
20 proseantta erohus
Seammás čájehii iskkadeapmi ahte biebmohattit rievddadit priváhta ja suohkan mánáidgárddiin.
Suohkanmánáidgárddiin máksá borramuš gaskamearálaččat 277 ruvnno mánnui, ja priváhta mánáidgárddiin fas 341 ruvnno.
Dat lea 20 proseantta erohus, čállá aviisa.
– Eambbosat berrešii čuovvolit
Iskkadeapmi lea váldán vuođu 1000 mánáidgárddi vástádusain. Aviisa deattuha ahte leat stuora erohusat gos biebmu boahtá ja gii dan ráhkada.
Ovddádusbellodaga mánáidgárddepolitihka ságadoalli Åshild Bruun-Gundersen mielas iskkadeapmi čájeha ahte priváhta mánáidgárddit dahket buori barggu.
– Áiggun rámidit mánáidgárddiid mat fállet liegga biepmu. Dat buorida loaktima ja sihkkarastá ahte mánát ožžot dearvvašlaš borrandábiid ja biepmu. Eambbo suohkanmánáidgárddit berrešii čuovvolit, cealká son NTB:i.
(©NTB)
