– Háliidan sávvat lihku Sámedikki bealis sámi álbmogii nášunála beaivvi ávvudemiin. Anán hui árvvus min ávvubeaivvi ja sávan buohkaide ilolaš ávvudeami miehtá Sámi, dadjá Sámedikki presideanta Aili Keskitalo.
Keskitalo ávvuda guovvamánu 6. beaivvi Staares, Ruoŧa beale Sámis.
Doppe lea ávvujahki, go lea 100 jagi áigi go vuosttaš sámi riikačoahkkin lágiduvvui Ruoŧas.
– Lea stuora illun munnje go beasan čuovvut 100-jagi ávvudeami Ruoŧa bealde Sámi. Mii leat okta álbmot beroškeahttá riikarájáin ja váimmustan sávan ahte Staare 2018 doalut lihkostuvvet seamma bures go Tråante 2017, dadjá Keskitalo.
Olles Sámediggeráđđi lea Staares dán vahkku ávvudeame ja čuovvume čoahkkimiid.
