Ovttasráđiid oapmahaččaiguin almmuhit dál politiijat 67-jahkásaš dievddu nama.
Lei 67-jahkásaš Sverre Nikkinen gii gávdnui jápmán sullii mehtera čiekŋalasas Anárjogas mánnodaga. Son gávdnui sullii 20 mehtera vuollelis báikki gos jávkkai johkii.
Sihke Seaking-helikopter ja earát ledje mielde ohcamen Nikkinena maŋŋel go Hovedredningssentralen oaččui dieđu ahte olmmoš lea láhppon johkii.
Politiijat muitaledje Ávvirii mánnodaga ahte Nikkinen gávdnui Suoma bealde Anárjoga.