Nuorta-Finnmárkku politiijain lea leamaš olu bargu mannan eahkeda ja ija.
Čáhcesullos fertejedje politiijat viežžat ja bidjat giddagassii olbmo go lei doarrán muhtun olgobáikkis. Maŋŋelaš ijas bissehedje sii badjelaš 20-jahkásaš dievdoolbmo, ja áššáiduhtte su vuodjimis gárrenoaivvis. Politiijat dutket áššiid dábálaš vugiin.
Sáhcon biill
Girkonjárggas fuobmái muhtun ahte su biilla lea muhtin sáhcon bastilis diŋggain su biilla, mii lei gávpotguovddážis. Son áigu váidit dáhpáhusa. Gilevuonas fertejedje politiijat finadit muhtun priváhta viesus go čuojahedje musihka badjelmeare jitnosit. Politiijat gohččo jáddadit musihka, ja dan jeagadedje feastaolbmot. Báhcavuonas fertejedje politiijat viežžat muhtun badjelmeare gárihuvvan olbmo gii vuorjjai earáid. Son gárttai arreasttas idjadit. Dán dieđihit Nuorta-Finnmárkku politiijat Twittera bokte.
