Suollagat gaikon sisa vissui Guovdageainnus, Kárášjogas bulii skuter ja ollu feastariejat Álttás ja Hammerfeastas.
Suollagat gaikon sisa vissui Guovdageainnus, Kárášjogas bulii skuter ja ollu feastariejat Álttás ja Hammerfeastas.
Guovdageainnus
Guovdageainnus lea boahtán diehtu ahte suollagat leat gaikon sisa muhtin priváhta vissui, muhto ii leat vel sihkar lea go mihkkege suoláduvvon. Politiijat čuovvolit ášši maŋŋel vahkkoloahpa.
Kárájogas
Lávvordateahket 22 áigge dieđihuvvui ahte skuter lei buollán vuojidettiin Kárášjogas, sullii miilla eret luottas. Skutervuoddji beasai ieš fas márkanii.
Álttás
Lávvordaga ožžo politiijat dieđu ahte suollagat orrot gaikon sisa muhtin fitnodahkii Bossegobis. Politiijat ledje báikkis sihkkarastime duođaštusaid.
Politiijat dieđihit maid ahte muhtin dievdu Álttás lei riejáskan Coop Extra rámbuvrras go fuomášii ahte vuolavuovdin lei giddejuvvon.
Olles roiká bissehuvvui go ledje vuojašeame tráktoriin Álttás. Vuoddji lei čielggus ja sus lei vuodjinlohpi. Politiijat adde njálmmálaš váruhusa ja sáddejedje nuoraid ruoktot.
Áronjárgaluottas geahččaledje politiijat bissehit sevdnjesivnnat ATV vuojána. Vuoddji bijadii olles leavttuin ja politiijat heaittihedje doarrádallama.
Diibmu 0028: Girkoguolbanis lei alla feastariedja, ja viesu eaiggát gohččojuvvui loahpahit feasta. Su guossit guđđe feastabáikki.
Diibmu 0319: Feastariedja Kronstadas. Viesu eaiggát maid gohččojuvvui loahpahit feasta.
Diibmu 0455: Viessoeaiggát Sagas gohččojuvvui loahpahit feasta ja unnidit jiena musihkas.
Diibmu 0456: Politiijat dolvo gárihuvvon nissona ruoktot geas lei váivi.
Diibmu 0530: Politiijat bissehedje muhtin dievddu gii lei vuojašeame Girkoguolbanis, ja válde sus bossuniskosa mii čájehii ahte sus lei promilla. Vuodjinkoarta duoguštedje ja politiijat álggahedje ášši.
Hammerfeastas
Olbmot dieđihedje alla musihka Lávžoluovttas ja politiijat áigo fitnat doppe go lea dilli.
Politiijat vižže ovtta dievddu go ii lean guođđán guovddášbáikki vaikko lei gohččojuvvon dahkat dan.
Hammerfeastapolitiijaid idjavákta rámida Hammerfeasta-russaid go leat čábbát láhtten ja eai leat heajos dáhpáhusat geavvan.
Beal ovtta áiggi lei muhtin olgobáikkis guossi gii unohasat lahttii. Politiijat válde su mielde go ii jeagadan gohččuma. Dievdu lei almmolašbáikkis gožžan, ja politiijat álggahit ášši das.
Diibmu 0138 dieđihuvvui doarrun ovtta báikkis Hammerfeasta guovddášbáikkis gos vuolleahkásaččat maid leat. Politiijat bissehedje feasta.
Diibmu 0245: Muhtin muitalii ovtta su huškkastan Hammerfeasta guovddášbáikkis. Son manai ieš doaktára lusa, ja sus soaitá vel doddjon njunni. Politiijat vurdet ášši váidima.
Diibmu 0355: Politiijat dolvo muhtin olbmá ruoktot go sus ii orron buorre dilli.
Girkonjárga
Promillaiskkus russadoaluin, gos iske gávcci olbmo. Politiijat eai dárbbašan reageret.
Politiijat válde vára muhtin badjelmeare gárihuvvan russa russaid gásttašandoaluin.
Vuolleahkásaččat maid vigget russadoaluide, ja politiijat dolvo mánáid ruoktot váhnemiid lusa.
Muhtin nisu fertii politiijastašuvdnii čuovvut go rigerii bearehaga Ritz olgobáikkis. Politiijat álggahit ášši.
Čáhcesuolu
Muhtimat “báhčalit” laserčuovggain ja vuojašit biillain. Politiijat muittuhit ahte laser ii leat stoahkanhearva ja sáhttá bahut billistit čalmmiid.
