Politiijain ii lean olus eambbo bargu go hupmat biilavuddjiiguin, go ledje odne dárkkisteame johtolaga.
Odne maŋŋelgaskabeaivvi ledje politiijat dárkkisteame biilajohtolaga Guovdageainnus. Das ii boahtán olus eambbo go ahte dárkkistedje 24 biilla, iige oktage sis vuodján moktege lobiheamet.
Dan dieđihit politiijat odne bealgolmma áigge Twitteris.
Jus buohtastahttá ievttá darkkistemiin Vájamohkenjárgga bokte Kárášjoga bajábealde, gos guhtta biilavuoddji ožžo sáhku. Eanemus leahttu maid mihtidedje lei 111 km/d. Báikkis lea 80 km/d leahttomearri.
