20 jagi dassái náitalii badjel bealli párain Norgga girkus. Dál ii leat go goalmmát oassi geat náitalit girkus.
Olbmot válljejit dál borgárlaš vihaheami, ja diibmá šattai dat stuorámus náitinsadjin. Aviisa Dagen lea loguid roggan. Dat čájehit ahte vuoiŋŋalaš náitin lea sakka alit eará oskkolaš báikkiin go Norgga girkus.
Jagi 2018 náitaledje 20 949 olbmo geat ásset Norggas. Dat lea 1162 unnit go jagi ovdal. Dušše 7630 pára náitaledje Norgga girkus, mii lea 36,4 proseantta.
Seamma jagi náite 1797 olbmo eará oskkolaš báikkiin earret go girkus, birrasii 700 dáiguin náitaledje Human-ehtalaš searvvi bokte. Borgárlaš vihaheapme lei diibmá bivnnuheamos loguin 8063.
– Vihaheapmi lea dat girkolaš dahku mii lea geahnoheamos. Hávdádus, rista ja konfirmašuvdna leat nannoseappot, dadjá MF vitenskapelig høyskole for teologi, kirke og samfunn professor Harald Hegstad Dagenii.
Okta fáktor lea ekonomiija. Náitalit girkus lea divrras.
– Sii geat náitalit girkus sihtet vilges náittosčuvlla, stuorra heajaid, čiŋahuvvon ja čáppa heajaid. Borgárlaš heajat gáibidit unnit, dadjá professor. (©NTB)
