Badjelaš 230 miljovnna ruvnno lea juolluduvvon 2019 ja 2020 ovddas musihkkafestiválaide Norggas. Okta festiválain mii vuohččan oažžu doarjaga, lea Sami Music Week mii lágiduvvo Álttás.
Badjelaš 230 miljovnna ruvnno lea juolluduvvon 2019 ja 2020 ovddas musihkkafestiválaide Norggas. Okta festiválain mii vuohččan oažžu doarjaga, lea Sami Music Week mii lágiduvvo Álttás.
– Lea issoras miellagiddevaš čuovvut ovdáneami festiválain Norggas, ja ain lassánit festiválat ja gilvu garrá. Lea hui gáibideaddji lávdegoddái dahkat daid dárbbašlaš vuoruhemiid mat ovdánahttet festiválaid, lohká Lágideddjiid- ja festiváladoarjagiid musihkkalávdegotti jođiheaddji Jan Ole Otnæs.
Ođđa festiválat mielde
158 festivála Norggas juogadit 230 miljovnna ruvnno, maid Kulturráđđi dál lea juolludan lágideddjiide.
Gávcci ođđa festivála leat maid mielde dán ruhtadanortnegis boahtte jagi.
Okta dain lea Sami Music Week mii oažžu 70 000 ruvnno Kulturráđis lágidit festivála.
Riddu Riđđu oažžu 2 675 000 boahtte jagi, ja maŋit jagi oažžu vel lassáneami nu ahte gártá 2 750 000 ruvnno.
Márkomeannu oažžu ges 400 000 ruvnno 2019 ovddas.
Várjjatfestivála oažžu 1 200 000 ruvnno sihke 2019 ja 2020 jagiid ovddas.
