Ráđđehusa stádabušeahtas árvaluvvo juolludit Sámi allaskuvlii oktiibuot 5,5 miljovnna ruvnnu jahkái 2021:s gokčan dihtii fágalaš analysajoavkku ja Sámi ofelaččaid goluid.
Sámi allaskuvla čađaha muhtun bargguid Gielda- ja ođasmahttindepartemeantta gohččuma mielde. Juolludus galgá geavahuvvot Sámi statistihka fágalaš analysajoavkku ja Sámi ofelaš-ortnega jođiheapmái. Gielda- ja ođasmahttindepartemeantta gohččuma mielde lea Sámi allaskuvla doaibman Sámi statistihka fágalaš analysajoavkku čállingoddin ja Sámi ofelaččaid ortnega čállingoddin.
Ollistan dihtii ovdaságaid maid Sámi ofelaččat dollet, leat sierra neahttasiiddut ráhkaduvvon main leat dieđut sámi giela, kultuvrra ja servodateallima birra, erenoamážit nuoraid várás. Sámi allaskuvla almmuhii neahttasiidduid 2019 čavčča. Sámi allaskuvla deavdá siidduide eanet fágalaš sisdoalu.
Diibmá ožžo 5,3 miljovnna ruvnnu.
