Čájehuvvui ahte ii lean buollimis sáhka.
Finnmárkku politiijat čállet Twitteris ahte ožžo duorastateahket diibmu 20:19 dieđu ahte muhtun viessu lea buollime Guovdageainnu márkanis. Go buollinveahka ollii dohko, de čájehuvvui ahte ii lean buollin, muhto viessu lei visot suovvan. Lei el-omman mii suovastii.
Buollinveahka ii loga Ávvirii sáhttit addit eambbo dieđuid gaskavahku iđida movt el-omman váikkuhii ja lei go das sivva mii dagahii ahte álggii suovastit. Politiijat čállet Twitteris ahte leat guorahallame ášši. Doavttir fertii iskat olbmo gii lei vuoigŋan suova.
