Ráđđehus ávžžuha juohkehačča gii lea vásihan veahkaválddi ovttasorrus dahje earáin bearrašis, bivdit veahki.
Ráđđehus lea álggahan ollu doaimmaid mat hehttejit koronavirusa njoammuma leavvama ja mat galget suddjet álbmoga.
Sii maiddái fuomášuhttet ahte veahkaváldi lagas relašuvnnain ii leat dohkálaš beroškeahttá makkár dilálašvuohta lea.
– Veahke- ja doarjjabálvalus galgá dan dihte, nu guhkás go lea vejolaš, leat rabas dán hástaleaddji áiggis. Jus leat vásihan veahkaválddi ovttasorrus dahje earáin du bearrašis, de lea dehálaš ahte ozat veahki. Veahkaváldit sáhttet maiddai ohcat veahki, čállet sii.
Sii ávžžuhit maid váldit oktavuođa jus balahat ahte ránnjá dahje earát du lagasbirrasis vásihit veahkaválddi lagas relašuvnnain.
Geainna sáhtát váldit oktavuođa?
Dáppe sáhtát oažžut veahki
Čuojat 112 – Jus leat heaggaváras, čuojat politiija heahtenummarii 112.
Čuojat 02800 – Jus vásihat veahkaválddi lagas relašuvnnain, dahje balat vásihit dan, de čuojat politiijaide 02800. Doppe biddjot politiijaguvlui mii sáhttá veahkehit du dan dilálašvuođas.
Rihkussuojehemiid doarjjaguovddáš 800 40 008
Dinutvei.no
Illasteami- ja veahkaválddálašvuođalinjjá (VV-linjjá) 116 006
Du báikkálaš heahteguovddáš
Veahkaválddálašvuođa vuostáváldinbáikkit
Fástadoaktárat
Boarrásiid suodjalus – nationála oktavuođatelefovdna 800 30 196
Molssaeaktu veagalváldimii (MV): 22 40 11 10
Suhttohálddašeapmi
Bearašsuodjalanbálvalus
Alárbmatelefovdna: 116 111
Varraheahpada ja seksuálalaš veahkaválddálašvuođa doarjjaguovddáš
Seksuálalaš rohcošuvvon olbmuid várás veahkketelefovdna: 800 57 000
