Guovddášbellodat oaččui ovtta áirasa eambbo sisa Kárášjoga gielddastivrii go mannan áigodagas. Dainna lea sátnejođiheaddjeevttohas duhtavaš, muhto ii leat šat stuorámus bellodat.
Guovddášbellodat oaččui ovtta áirasa eambbo sisa Kárášjoga gielddastivrii go mannan áigodagas. Dainna lea sátnejođiheaddjeevttohas duhtavaš, muhto ii leat šat stuorámus bellodat.
Bargiidbellodat lea ge vuot seamma stuorámus bellodat Kárášjogas.
– Oainnán mii eat leat šat stuorámus bellodat boahtte áigodagas, muhto lean duhtavaš dainna go ovdánat, dadjá Guovddášbellodaga sátnejođiheaddji evttohas Anne Toril Eriksen Balto.
Vuordá buot bohtosiid
Maŋŋel gaskaija ledje ge lohkkon 95 proseantta jienain, nu ahte sáhttet ain boahtit smávva rievdadusat.
– In leat vel vuollánan cegget eanetlogu, go ferte vuos vuordit dassái go dahkko dárkilis lohkan. Nu ahte sáhttet ain šaddat rievdadusat, dadjá Eriksen Balto.
Rievdadusat
Jus dálá loguin eai šatta rievdadusat, de mearkkaša ahte boahtte áigodagas lea Kárášjoga Badjeolbmuidlisttus okta áirras seamma go mannan áigodagas. Seamma dilis lea Olgešbellodat. Gurutbellodat massá guktuid áirasiid, nu ahte Nils Nilsen Gaup orru gártame eret.
Bellodagat mat unnot leat Sámeálbmot Bellodat, mii massá nuppi áirasa ja Kárášjot`Lista massá ovtta áirasa, nu ahte eai leat siste eará go guvttiin.
– Mannan áigodagas ledje gávcci bellodaga, nu ahte dál eai oro báhcime earret guhtta vel gielddastivrii, dadjá Anne Toril Balto.
