Kártadoaimmahat ii loga Oslo sámegiel gávpotnama, Oslove, dohkkehuvvon almmolaččat adnot gávpotnamman.
– Sámi báikenammabálvalus ii leat nevvon gávpotnama, dušše suohkannama. Mearrádus ahte addit Oslove nama Oslo gávpogii, ii čuovo ge báikenammalága, dadjá Kártadoaimmahaga áššemeannudeaddji Åsmund Christenson NRK:i.
Ovdal juovllaid mearridii ovttajienalaš gávpotstivra ahte Oslo sámi báikenamma lea Oslove.
Oslo kultuvrra ja ealáhusaid gávpotráđđi, Anita Leirvik North, váldá Kártadoaimmahaga reivve vuos diehttevassii.
– Mun dieđán ahte Kártadoaimmahat ođđajagemánu 30.beaivvi sáddii reivve gildii mas čujuhuvvo dasa ahte Kártadoaimmahat ii oaivvil gávpotnama dohkkehuvvon almmolaš atnui, báikenammalága 9. paragráfa vuođul. Dan mun válddán vuhtii, cealká Leirvik North kanálii.
Oslo suohkan áigu čuovvulit Kártadoaimmahaga mearrádusa ja buktit vástádusa go ášši lea gárvvistuvvon.
(©NTB)
