Mannan ija leat olu báikkiin Finnmárkkus politiijat bissehan vuddjiid geat leat vuodján menddo leahtuin ja gárrendilis vuodján.
Kárášjohka: Diibmu 00:21 bissehedje politiijat badjelaš 30-jahkásaš almmáiolbmo go lea vuodján 118 km/d 80-sonas. Vuodjinkoarta duoguštuvvui ja vuoddji dohkkehii dan. Das álggahuvvo ášši.
Áltá: Diibmu 22:33 Raipasveienis. Badjelaš 20-jahkásaš almmáiolmmoš bissehuvvui go vujii 96 km/d 60-sonas. Vuodjinkoarta duoguštuvvui ja vuoddji dohkkehii dan. Das álggahuvvo ášši.
Álttá politiijat maiddái bissehedje vuoddji, ja badjelaš 20-jahkásaš almmáiolmmoš lea áššáiduvvon go vujii gárrendilis.
Hámmerfeasta: Diibmu 00:28 bissehedje politiijat badjelaš 30-jahkásaš almmáiolbmo go lei sáhka vejolaš gárrenvuodjimis. Vuoddji fertii bossut promillaiskosa, ja sus lei promilla badjel lobálaš rájá. Vuodjinkoarta duoguštuvvui ja vuoddji dohkkehii dan. Das álggahuvvo ášši.
Lávželuokta: 21:30 bissehedje politiijat badjelaš 20-jahkásaš nissonolbmo go lei sáhka vejolaš gárrenvuodjimis. Son maid bosui badjel lobálaš rájá. Vuodjinkoarta duoguštuvvui ja vuoddji dohkkehii dan. Das álggahuvvo ášši.
