Viessoeaiggát váldui gitta go lei iežas viissui gaikon sisa.
Viessoeaiggát váldui gitta go lei iežas viissui gaikon sisa.
Guovdageaidnu:
Okta biilavuoddji lei nisttihan biilla badjel luotta, fierran ja bisánan biiladáhki ala. Vuoddji lei okto ja ii lean roasmmohuvvan. Diehtu bođii ovdalaš diibmu 03.00.
Áltá:
Rigearat dieđihuvvo Nyland studeantavisttiin. Politiijat fitne báikkis ja loahpahedje suohtastallamiid. Guovtti dievddu jáhkket geavahan narkotihka. Politiijat dutket ain ášši.
Dievdu gárrenoaivvis váldui politiijaide gitta go lei čorbmadan uksavávttaid Álttá City Scene báikkis.
Okta eará dievdu šattai gávdnat ođđa vuojána – apostala heasttaid, go vujii 79 km/dii báikkis gos ii leat lohpi vuodjit go 50 km/dii, Áronjárggaluottas.
Politiijat ferteje loahpahit muhtin feasta go olbmot lahkosis ledje váidalan ollu rieja Øvreveienis.
Hammerfeasta:
Diehtu bođii politiijaide mannan ija ahte orro leamen muhtin gaikume sisa ovtta viissui Fuglenesas Hammerfeastas. Politiijat válde gitta olbmo gii lei gaikon sisa viisui, muhto čájehuvvui ahte lei ieš viessoeaiggát gii lei iežas viissui šaddan gaikut sisa.
Okta eará dievdu lea váidojuvvo go lea gožžan Hammerfeasta guovddášbáikkis.
Čáhcesuolu:
Muhtin vuorraset dievdu váldui gitta politiijaide go muosehuhtii guovddášbáikkis Čáhcesullos. Dievdu biddjui giddagassii ja politiijat ceggejit ášši.
Nu čállet Oarje- ja Nuorta-Finnmárkku politiijat Twitteris.
