-Almmuhus-
OĐĐASAT Olbmot fuomášan adnon skeaŋkkain árvvu 

Olbmot fuomášan adnon skeaŋkkain árvvu 

-

-

Valáštallan- ja meahcástanrusttegat leat evttohuvvon leat dán jagáš «adnon juovlaskeaŋkan».

    Máŋga duháha meahcásteaddji leat fuomášan ahte sáhttet seastit birrasa go sávvet kvalitehtarusttegiid juovllaide, čilge FINN torget buvttadirektevra Kathrine Opshaug Bakke preassadieđáhusas.

Norgalaččat šaddet eanet ja eanet mielas addit ja oažžut adnon skeaŋkkaid, čájehuvvo ođđa iskkus man Opinionen lea čađahan FINN torget ovddas.

44 proseantta vástidedje ahte áinnas válddáše vuostá adnon skeaŋkka, mii lea gávcci proseantta lassáneapmi mannan jagis.

Dál leat badjelaš 2000 olbmo jienastan valáštallan- ja meahcástallanrusttegiid leat «dán jagáš adnonskeaŋkan» FINN Instagrámmakontos.

Vuoitokategoriija lei bivnnuheamos ja časkkii eará evttohuvvon gálvvuid, mat ledje gievkkanbiergasat, ulloliinnit ja girjjit.

Stuora beroštupmi sabehiidda

Bivnnuheamos válaštallanrusttegat dán jagi leat sábetkategoriijas, nu go ovdamearkka dihte adnon sabehat, alpinsabehat ja randoneesabehat.

 Norgalaččat liikojit leahkit váris, ja mii oaidnit ahte beroštupmi sabehiidda lea alimusas dán jagi. Dán rádjái leat biddjon 140 000 priváhta vuovdinalmmuhusa mat leat sabehiidda gullevaččat, ja mii jáhkkit dan lassánit lagamus áiggis ovdalaš juovllaid, lohká FINN-torget buvttadirektevra Kathrine Opshaug Bakke.

Stuorámus beroštupmi lea gal ahte ollugat háliidit seastit birrasa ja luonddu.

Sii oidnet maid ahte sáhttet gávdnat ollu buriid rusttegiid adnonmárkaniin, haddái mii lea olu vuollelis go divrasii oastit ođđa gálvvu.

Eará rusttegat, maid olbmot ostet olu FINN neahttasajis, leat tealttát ja oaggunrusttegat.

2018:s lei Playstation 4 mii lei dan jagi adnonskeaŋka.

Nuoramusat leat eanemus positiivvat adnonskeaŋkkaide

Iskosis boahtá ovdan ahte leat nuorat, smávvamánnabearrašat ja olbmot geat leat vuohččan ásaheame ruovttuset geat leat eanemusat positiiva adnon juovlaskeaŋkkaide.

Birrasii bealli mánnabearrašiin geat serve iskosii (49 proseantta) lohke ahte sii leat positiivvat oažžut adnonskeaŋkka.

Kathrine Opshaug Bakke jáhkká ahte norgalaččaid čielga dálkkádat- ja birasberoštupmi dagaha ahte eambbogat sávvet adnonskeaŋkkaid boahtte jagiid.

      Adnon juovlaskeaŋka lea ceavzilis čoavddus, go dat sihkkarastá guhkit ceavzima buktagis, mat dávjá leat seamma buorit go áibbas ođđa. Earenoamážit áiggun evttohit iskat adnonmárkana go áiggut oastit sabehiid ja meahccerusttegiid mánáide. Mánát sturrot nu jođánit, eai ge olle báljo geavahit biergasiid ovdal go fas ferte jođihit daid viidáset, čilge son.

- Advertisement -
-Almmuhus-