Vuoigatvuođat mat gullet jovkui, ovdamearkka dihte boazodoallosiidii dahje muhtun gili dahje báikki álbmogii. Stuorát joavkkuin sáhttet maid leat oktasaš vuoigatvuođat, omd. gieldda dahje fylkka ássiin.
Oktasaš vuoigatvuohta sáhttá maiddái leat dat nu gohčoduvvon «joavkovuoigatvuohta». Dákkár vuoigatvuođa dovdomearka lea ahte dat gullá iešalddis dan jovkui, ja ahte eaŋkilolbmot dušše sáhttet ávkkástallat vuoigatvuođa nu guhká go leat oassin dan joavkkus masa vuoigatvuođat gullet. Báikegotti vuoigatvuođa sáhttet beare dat olbmot ávkkástallat geat orrot báikegottis dahje giliin mat gullet báikegoddái. Dat geat fárrejit eret doppe masset iežaset oasi rievttis, ja dat geat fárrejit dohko fas ožžot oasi rievttis dan beaivvi rájes go fárrejit dohko.
Go vuoigatvuođas lea erenoamáš vuođđu, de lea vuoigatvuođalaččaid hálddus mearridit mo sii organiserejit iežaset. Ovdamearkka dihtii gullá dan oktasaš eaiggáduššanrievtti hálden, maid Alimusriekti 2001:s celkkii lea ásahuvvon Čáhputvuovddis Romssas, guovllu dálolaččaide. Eará oktavuođain sáhttá oktasaš vuoigatvuođaid hálddašeapmi leat čavgasit muddejuvvon lágaid bokte. Ovdamearkka dihtii leat Almennetlágain čavgasit rámmat sihke dasa mii guoská stivrenorgánaid válljemii ja almennetrievtti háldemii.
Gáldu: domstol.no
