Buođggáin lei okta bivdi lahppon ikte. Seaking, Rukses Ruossa, siviilasuodjalus ja norgga gádjunbeatnagat ožžo dieđu, ja ohcanakšuvdna álggahuvvui.
Seaking álggii ohcat lahppon bivdi, ja ohcanvehkiid vurde boahtit dađistaga.
Bivdi gávdnui ja dolvojuvvui luotta lusa, čállet politiijat Twitteris.
Bivdi orro leamen buori vuoimmis, ja politiijat ja dearvvašvuođabargit isket su.
Bivdis lei jáddan batteriija mobiltelefuvnna.
– Juoga man ládje lea bivdi ožžon mobiltelefuvnna doaibmat fas, nu ahte beasai muitalit gos son lea. Suinna manna bures, earret go ahte lei veháš galbmon ja váiban, muitala operašuvdnajođiheaddji Svein-Erik Jacobsen Nordlys aviisii sotnabeaiiđit.
