Namma: Vibeke Larsen
Ahki: 46
Guovlu: Áravuomis Áhkkánjárggas
Bargu: Sámedikki presideanta
1. Mii lea šiella?
– Šiella lea silbaamuleahtta mii suddje. Riekta!
2. Makkár gávpogis čállui Anne Frank beaivegirji?
– In muitte. Anne Frank lei gal Belgias eret.. Nuppi máilmesoađi vuolde čállui, dalle ferte leat Duiskkas. Amsterdam? Riekta!
3. Galle gonagasas Norggas lea leamaš namma Harald?
– Gonagas Harald 5, dalle ferte vihtta gonagasa. Riekta!
Vibeke Larsen máhtii visot golbma gažaldaga, ja son de oažžu liigegažaldagaid.
1. Liigegažaldat: Man leahttu sáhttá gepardas šaddat?
– Mun ledjen elliidgárddis duvle, ja dat gii lei min ofelaš muitalii man alla leahttu sáhttá gepárddas šaddat. Muhto mun in muitte! Lea go son 100 km/dii? Boastut!
Rievttes vástadus: 110 km/dii
Larsen ii máhttán liigegažaldaga. Son beassá liikká válljet árvalusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta de oažžu: Rukses árvalus lea váddáseamos ja das oažžu 15 čuoggá, alit árvalusas 10 čuoggá, ja ruonás fas 5 čuoggá.
Larsen vállje alit árvalusa, gos sáhtta fasket 10 čuoggá.
Muhtun mánuid leat 30 beaivvi, eará mánuid fas 31 beaivvi. Galle mánus leat 28 beaivvi?
– Okta. Ii, die lea dájuhus gažaldat! Dat leat 12. Riekta!
Galle čuoggá oktiibuot: 13 čuoggá.
Juohke gilvaleaddji beassá hástalit ođđa gilvaleaddji Ávvira geassegilvui. Larsen hástala Lars Filip Paulsena searvat Ávvira geassegilvui.