Melodi Grand Prix musihkkagilvvus álget odne oassegilvvut. Unjárgga nieida Agnete Johnsen (21), gii lea dovddus earret eará Blacksheeps joavkkus, lea mielde Melodi Grand Prix gilvvus.
Melodi Grand Prix musihkkagilvvus álget odne oassegilvvut. Unjárgga nieida Agnete Johnsen (21), gii lea dovddus earret eará Blacksheeps joavkkus, lea mielde Melodi Grand Prix gilvvus.
Odne álget MGP oassegilvvut Oslos Spectrum konseartabáikkis ja dat čájehuvvo NRK1 TV-kanálas.
Sámenieida Agnete Johnsen searvá Melodi Grand Prixii lávlagiin «Icebreaker» man lei ieš čállán ovttas ruoŧŧelaččaiguin Gabriel Alers ja Ian Curnow.
– Dat lea persovnnalaš lávlla, dán birra mo leahkit buorren olmmájin.
Ášši joatká vuolábealde filmmaža.
Agnete Johnsen lea ovdal maid searvan Melodi Grand Prixii, namalassii 2011:s. Dalle son šattai nubbin.
Melodi Grand Prix vuoiti beassá ovddastit Norgga Eurovisionis dahje Europa Melodi Grand Prixas mii dan jagi lágiduvvo Stockholmas Ruoŧas. Vuosttaš beallefinála lea miessemánu 10. beaivvi, nubbi lea 12. beaivvi. Finálaoassi lea miessemánu 23. beaivvi.
