1.1 rájes álgá Snelandia sáhtostallat mátkkošteddjiid Finnmárkkus.
1.1 rájes álgá Snelandia sáhtostallat mátkkošteddjiid Finnmárkkus.
Busset ja fatnasat maid Finnmárkku fylkkagielda doaimmaha fylkkas ožžot seamma nama – Snelandia. Buot ovddit namat, nu go FFR, Nordtrafikk, Connex, Veolia ja muhtin muddui maid Boreal, eai šat geavahuvvo ruvttuin, vaikko vel leat ge dát fitnodagat mat vudjet muhtin ruvttuid.
Ođđa kollektiivajohtolat doaibmagoahtá ođđajagis, ja lea sierra mearkanamma mii ii gula fitnodagaide mat vudjet ruvttuid, dieđiha Snelandia neahttasiiddus.
Ođđa dovdomearkkat
Busset leat alit ivnnis, ja ođđa dovdomearkat gilggain, ovddabealde ja maŋábealde. Fatnasat leat vilges ivnnis ja dovdomearkkat gilggain, ja seamma hámis leat fearggat main maiddái leat fylkkagieldda dovdomearkkat lassin oidnosis.
Namma Snelandia lea latiinnalaš sánis vuolgán ja máksá arktiisa dahje jiekŋaeana. Ođđajagis doaibmagoahtá Snelandia, ja olbmot gávdnet buot dieđuid mátkkoštanvejolašvuođa birra Finnmárkkus.
– Mátkkošteaddjái ii leat dehálaš guđe fitnodat dat lea mii vuodjá busseruvttu dahje gii stivre fatnasa. Mátkkošteaddji berošta goas ja gos fievru vuolgá, lohká johtolatjođiheaddji Per Bjørn Holm-Varsi.
